【 好來好去?「自願離職書」勿亂簽!】

【 你地自願離職走啦 】公司唔炒你地喇,大家好黎好去。

真係好黎好去?漸漸有啲公司,會同員工講,一係NO PAY LEAVE,一係自己走,或者直接希望員工自己辭職走,仲會皇恩浩蕩咁比封Ref. Letter比大家,不過,就咩都唔會賠比大家,合法嗎?

按僱傭條例,僱主因削減崗位甚至結束業務,遣散員工,需要作出幾項賠償,包括︰
1. 遣散費
2. 通知期或代通知金
3. 該年未放取的年假及累計的年假薪酬
4. 按比例計算的年終酬金(另見︰https://bit.ly/2T1dWtW

如果僱員選擇「自願」離職,甚至即時離職,就會很大機會喪失1. 及2. 的賠償,而在酬金期未滿期間辭職,按僱傭條例僱員將不會獲得年終酬金;相反,如果是僱主作出解僱,僱主就有責任在僱傭關係結束後七日,清付1. - 3. 的全數金額,而4. 亦需盡快、合理地清付予員工。

有員工問及,如果僱主「逼」員工簽自願離職,可否重新追討。在司法程序中,員工或許有機會可以跨過重重難關,傳召證人、撰寫供詞,嘗試去推翻自願離職書,但往往需要經歷漫長的程序,不必定成功,因此,最好的做法就是「由一開始就唔好簽!」,請大家記住記住記住,沒有任何一份文件是需要立即簽回給僱主,大家大可以取走文件,諮詢工會、諮詢家人,再行決定。

所以,老闆一句「好黎好去」,大家真係要諗清諗楚。