/ ENG

 
 
行動回顧:集體談判權廢法二十年 二十五子絕食 喚大眾關注
| More

2017-11-29


 二十年前,可以保護打工仔權益的集體談判權法例被廢,以致二十年來,面對經濟不景氣、沙士疫症等,打工仔首當其衝遭減薪、削待遇,而經濟好時,卻難享受經濟成果。

為喚起大眾關注,我們舉行了「集體談判權 廢法二十年」絕食行動,有25位代表身體力行,絕食三十小時,反對廢法,留守於舊立法會外。之後亦發起「重奪公平職場」大遊行,要求政府恢復97年被廢的集體談判權條例。

行動圓滿結束,得到大家支持,引起唔少媒體報導行動,令更多人理解集體談判權如何令打工仔更有牙力。或許,距離立法還有一段距離,只要大家堅持下去,相信努力不會白費。

 

 

經過30小時嘅絕食,25位絕食者淺嚐白粥,然後一齊開始遊行去政總。

 

 

去到政總門外,大家攞住「公平」標語,表達我哋嘅訴求。

 

 

集會上,我哋焚燒臨時立法會廢法文件,寓意當年嘅臨時立法會根本就無民意授權,無資格廢除同打工仔息息相關嘅集體談判權法例。

 

 

另外,我哋都做咗天秤道具,兩側象徵住勞資雙方嘅力量,集體談判權就係關鍵,令天秤不會一面倒向資方傾斜。

 

 

我哋由終審法院大樓(舊立法會)出發,沿途大叫「還我公平職場」、「合理待遇由平等協商開始」、「恢復集體談判權」等口號。

 

 

絕食當晚,我哋舉辦咗打氣晚會,為一眾嘅絕食者送上温暖,當日一班外傭團體難得有假放都唔去休息,特登嚟聲援﹗

 

 

主席吳敏兒起初都仲好擔心,集體談判權呢個議題係咪仲可以引起社會關注,幸好有大家嘅參與,令行動都得到傳媒、各屬會嘅關注。

 

 

留守期間,有好多關注勞工議題嘅新一代嚟到,聽住一班絕食者細說自己同集體談判權嘅故事。